வேர்க்கடலை சட்னி இட்லி, தோசைக்கு அட்டகாசமாக இருக்கும். 2 தோசை சாப்பிடுபவர்கள் கூட 4 தோசை சாப்பிட தோன்றும். செய்வது கூட மிகவும் சுலபம் தான். சமைக்க தெரியாதவர்கள் கூட இதனை ஈஸியாக செய்து விடலாம். வாருங்கள், செய்முறை பார்ப்போம்…
தேவையான பொருட்கள்
வேர்க்கடலை - 1 கப் (வறுத்தது)
தேங்காய் – 2 டேபிள் ஸ்பூன் (துருவியது)
பூண்டு – 4 பல்
புளி - சிறிய நெல்லிக்காய் அளவு
காய்ந்த மிளகாய் - 3
உப்பு - சுவைக்கேற்ப
தாளிக்க
எண்ணெய் - 1 டீஸ்பூன்
கடுகு - 1 டீஸ்பூன்
உளுத்தம் பருப்பு - 1 டீஸ்பூன்
காய்ந்த மிளகாய் - 1 (விதை நீக்கியது)
கறிவேப்பிலை – சிறிதளவு
செய்முறை
*முதலில் வாணலியை அடுப்பில் வைத்து, அதில் வேர்க்கடலையை சேர்த்து நிறம் மாறும் அளவிற்கு மட்டும் வறுத்து எடுத்து வைத்துக் கொள்ளவும். (வறுத்த வேர்க்கடலை என்றால் அதனை அப்படியே உபயோகிக்கலாம்)
*பின்னர், அதே வாணலியில் சிறிது எண்ணெய் ஊற்றி அதில் காய்ந்த மிளகாயை சேர்த்து சற்று வறுத்துக் கொள்ளவும். (நேரமில்லாதவர்கள் வறுக்காமல் கூட அப்படியே சேர்க்கலாம்)
*இப்போது, ஒரு மிக்ஸர் ஜாரில் வறுத்த வேர்க்கடலை, தேங்காய், பூண்டு, புளி, காய்ந்த மிளகாய், தேவையான அளவு உப்பு மற்றும் சிறிதளவு நீர் சேர்த்து அரைத்துக் கொள்ளவும்.
*காய்ந்த மிளகாய் வறுத்த அதே வாணலி மற்றும் எண்ணெயிலேயே சட்னிக்கு, தாளிக்க தேவையான பொருட்களை சேர்த்து தாளித்துக் கொள்ளலாம்.
*ஒருமுறை இந்த சட்னி செய்து பாருங்கள். அடிக்கடி செய்ய ஆரம்பித்து விடுவீர்கள்.
